შესყიდვების დოკუმენტაცია აბრევიატურებით არის სავსე. ნაწილი მათგანი საერთაშორისო სტანდარტიდან მოდის, ნაწილი კონკრეტული ინდუსტრიიდან, ნაწილი კი კომპანიის შიდა პრაქტიკიდან.
ქვემოთ თავმოყრილია ის ინიციალები, რომლებსაც ყოველდღიურ მუშაობაში ყველაზე ხშირად შეხვდებით, თემატურად დაჯგუფებული.
შესყიდვის დოკუმენტები
PR - Purchase Request (ასევე Price Request)
შესყიდვის მოთხოვნა ან განფასების მოთხოვნა.
PO - Purchase Order
შესყიდვის დოკუმენტი.
OR - Order Request
შესყიდვის მოთხოვნა. Purchase request და order request სინონიმებია და ხშირად იდენტური გაგება აქვს.
ON - Order Number
დაკვეთის ნომერი. როგორც წესი, თუ კომპანია შესყიდვებს რაიმე სისტემით ან სისტემაში აღრიცხავს, ყველა დაკვეთას ინდივიდუალური ნომერი ენიჭება.
LPO - Local Purchase Order
ადგილობრივი შესყიდვის დოკუმენტი.
რაოდენობა და მარაგი
MOQ - Minimum Order Quantity
მინიმალური დაკვეთის ოდენობა.
ROQ - Reorder Quantity
განმეორებითი დასაკვეთი ოდენობა.
IM - Inventory Management
სასაწყობე მეურნეობის მენეჯმენტი.
BOM - Bill of Materials
მასალების ჩამონათვალი. ძირითადად გამოიყენება სამშენებლო და მანქანა-დანადგარების შესყიდვებში.
მიწოდების პირობები
FOB - Free on Board
გამოიყენება ტრანსპორტირებისას და მიუთითებს, თუ როდის გადადის საქონელზე პასუხისმგებლობა გამყიდველიდან მყიდველზე. როგორც წესი, გადაზიდვის დასახელებულ პორტში.
DDP - Delivery Duty Paid
როდესაც გამომგზავნი კარამდე მოტანის პრინციპით გაწვდით ნედლეულს.
EXW - Ex Works
ტრანსპორტირება გამომგზავნის ან მწარმოებლის შეთანხმებული მისამართიდან.
OTD - On Time Delivery
დროული მოწოდება.
ხარჯები და შეფასება
PPV - Purchase Price Variance
შესყიდვის ფასთა განსხვავება.
TCO - Total Cost of Ownership
მთლიანი ხარჯების ფლობა. მოიცავს კონკრეტული პროდუქტის ან აქტივის შესყიდვის ფასს, პლუს საოპერაციო ხარჯებს აქტივის სიცოცხლის ხანგრძლივობის განმავლობაში. დიდი მანქანა-დანადგარების შესყიდვისას ეს სასიცოცხლოდ მნიშვნელოვანი პუნქტია.
COGS - Cost of Goods Sold
პროდუქტის წარმოებასთან დაკავშირებული ყველა პირდაპირი ხარჯის ჯამი. ფინანსისტების საყვარელი ტერმინია.
KPI - Key Performance Indicator
განიმარტება როგორც გაზომვადი ღირებულება, რომელიც აჩვენებს, თუ რამდენად ეფექტურად აღწევს კომპანია ან ადამიანი დასახულ მიზნებს.
დოკუმენტაცია და ხელშეკრულებები
COA - Certificate of Analysis
ანალიზის სერტიფიკატი. ძირითადად გამოითხოვება საკვები და ჰიგიენის მასალების მოწოდებისა და წარმოების დროს.
SLA - Service Level Agreement
მომსახურების დონის ხელშეკრულება. გამარტივებული, იურიდიული ძალის მქონე დოკუმენტია მხარეებს შორის შეთანხმებისა.
TDS - Technical Data Sheet
ტექნიკური აღწერის დოკუმენტი. გულისხმობს ნახაზებს თუ სისტემის მუშაობის დეტალებს, ასევე მოიცავს შესასყიდი პროდუქტის შემადგენლობას.
ორგანიზაცია და ურთიერთობები
SRM - Supplier Relationship Management
სისტემა, რომელიც თქვენს მომწოდებლებთან სტრატეგიული პარტნიორობის პროცესს აღწერს.
MRO - Maintenance, Repair and Operations
ერთ-ერთი მთავარი პირობაა მანქანა-დანადგარების შესყიდვისას. მოიცავს ყველა იმ აქტივობას, მარაგსა და პროცესს, რომელიც აღჭურვილობისა და სისტემების შეუფერხებელ ფუნქციონირებასთანაა დაკავშირებული.
SCD - Supply Chain Department
მოწოდების ჯაჭვის დეპარტამენტი.
