დაბრუნების პოლიტიკა

წინამდებარე პოლიტიკა ვრცელდება აკადემიის ყველა პროგრამაზე.

თანხის დაბრუნების საკითხებზე წინამდებარე პოლიტიკასა და ხშირად დასმული კითხვების პასუხებს შორის შეუსაბამობის შემთხვევაში უპირატესობა ენიჭება წინამდებარე პოლიტიკას.

1. პროგრამის დაწყებამდე

1.1. თანხა ბრუნდება სრულად, მიზეზის მითითების გარეშე, თუ წერილობითი მოთხოვნა მიღებულია პროგრამის დაწყებამდე დარჩენილი ბოლო 5 კალენდარული დღის დაწყებამდე.

1.2. ბოლო 5 კალენდარულ დღეში მიღებულ მოთხოვნაზე თანხა არ ბრუნდება.

1.3. თითოეული ჯგუფისთვის დაბრუნების ბოლო თარიღი მითითებულია პროგრამის გვერდზე. A ჯგუფისთვის (დაწყება: 2026 წლის 28 სექტემბერი) ეს თარიღია 2026 წლის 22 სექტემბერი, 23:59.

1.4. თანხა ბრუნდება იმავე ანგარიშზე, საიდანაც განხორციელდა გადახდა, მოთხოვნის მიღებიდან 14 კალენდარულ დღეში.

2. თუ პროგრამა არ დაიწყო ან გადაიდო

2.1. თუ ჯგუფი არ დაკომპლექტდა ან პროგრამა არ დაიწყო აკადემიის მიზეზით, გადახდილი თანხა ბრუნდება სრულად, 14 კალენდარულ დღეში, ყოველგვარი გამოქვითვის გარეშე.

2.2. თუ აკადემია გადადებს დაწყების თარიღს 14 კალენდარულ დღეზე მეტით, მსმენელი ირჩევს თანხის სრულ დაბრუნებას ან ახალ თარიღზე გადასვლას.

2.3. ალტერნატივად მსმენელს შეუძლია გადავიდეს შემდეგ ჯგუფში თავდაპირველი ფასის შენარჩუნებით.

3. პროგრამის დაწყების შემდეგ

3.1. პროგრამის დაწყების შემდეგ გადახდილი თანხა დაბრუნებას არ ექვემდებარება.

3.2. ეს ეხება ყველა შემთხვევას: შეხვედრების გაცდენას, პროგრამის შეწყვეტას მსმენელის ინიციატივით, სამსახურებრივ ან პირად გარემოებებს.

3.3. პროგრამის დაწყებად ითვლება პირველი შეხვედრის ჩატარება, იმის მიუხედავად, დაესწრო თუ არა მსმენელი.

4. განვადება

4.1. პროგრამის ფასი ერთიანია. განვადება არის გადახდის გრაფიკი და არ წარმოადგენს ცალკეული ეტაპების ცალკე შეძენას.

4.2. თუ შენატანი გადახდილია, მაგრამ წერილობითი მოთხოვნა მიღებულია შესაბამისი ეტაპის დაწყებამდე, ეს კონკრეტული შენატანი ბრუნდება. უკვე დაწყებულ ეტაპებზე გადახდილი თანხა არ ბრუნდება.

4.3. შენატანის გადაუხდელობის შემთხვევაში მსმენელი კარგავს შესაბამის ეტაპზე დაშვებას. უკვე გადახდილი თანხა არ ბრუნდება.

5. სასწავლო მასალები

5.1. ფიზიკური სახელმძღვანელო მსმენელს პირველი შეხვედრიდან გადაეცემა. ამავე დროიდან აქტიურდება ციფრული ლიცენზია.

5.2. მესამე მხარის საფასურები, რომლებიც მსმენელის წერილობითი თანხმობით უკვე გადახდილია მისი სახელით, დაბრუნებას არ ექვემდებარება.

6. ალტერნატივა დაბრუნების ნაცვლად

6.1. ჯანმრთელობის მდგომარეობის ან სხვა განსაკუთრებული გარემოების შემთხვევაში აკადემია განიხილავს შემდეგ ჯგუფში ან სხვა პროგრამაზე გადასვლას თანხის შენარჩუნებით.

6.2. გადაწყვეტილება მიიღება ინდივიდუალურად, არ წარმოადგენს აკადემიის ვალდებულებას და არ ქმნის პრეცედენტს.

6.3. გადასვლა შესაძლებელია ერთხელ.

7. კორპორატიული ტრენინგები

7.1. იურიდიულ პირებთან გაფორმებულ ხელშეკრულებებზე მოქმედებს ხელშეკრულების პირობები და არა წინამდებარე პოლიტიკა.

8. როგორ გავაგზავნო მოთხოვნა

8.1. მოთხოვნა იგზავნება ელ. ფოსტაზე info@pma.ge და უნდა შეიცავდეს: სახელს, გვარს, პროგრამის დასახელებას, რეგისტრაციის თარიღსა და გადახდის დამადასტურებელ დოკუმენტს.

8.2. ვადები აითვლება მოთხოვნის მიღების დღიდან. აკადემია წერილობით ადასტურებს მოთხოვნის მიღებას 1 სამუშაო დღეში.

9. პოლიტიკის ცვლილება

9.1. ცვლილება ვრცელდება მხოლოდ ცვლილების შემდეგ განხორციელებულ რეგისტრაციებზე. უკვე რეგისტრირებულ მსმენელზე მოქმედებს რეგისტრაციის მომენტში ძალაში მყოფი რედაქცია.